Qazaqstan Respýblıkasy Bas prokýratýrasynyń buıryǵy  №102

2015 jylǵy 13 tamyz, Astana qalasy «Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý» memlekettik kórsetiletin qyzmet reglamentin bekitý týraly Qazaqstan Respýblıkasynyń 2013 jylǵy 15 sáýirdegi «Memlekettik kórsetiletin qyzmetter týraly» Zańynyń 10-baby 2) tarmaqshasyna sáıkes buıyramyn: 1. Qosa berilip otyrǵan «Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý» memlekettik kórsetiletin qyzmet reglamenti bekitilsin. 2. Qazaqstan Respýblıkasy Bas Prokýrorynyń 2014 jylǵy 14 shildedegi № 72 «Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý» memlekettik kórsetiletin qyzmet reglamentin bekitý týraly» buıryǵy (Normatıvtik quqyqtyq aktilerdi memlekettik tirkeý reestrinde № 9698 tirkelgen, «Egemen Qazaqstan» gazetinde № 206 (28429) 2014 jyldyń 22 qazanynda jarııalanǵan) kúshin joıdy dep tanylsyn. 3. Qazaqstan Respýblıkasy Bas prokýratýrasynyń Halyqaralyq yntymaqtastyq departamenti Qazaqstan Respýblıkasynyń zańnamasymen belgilengen tártipte: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq memlekettik tirkeýden ótkennen keıin on kúntizbelik kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasary I.D. Merkelge júktelsin. 5. Osy buıryq onyń birinshi resmı jarııalaný kúninen on kúntúzbelik kún ótkennen keıin qoldanysqa engiziledi. Qazaqstan Respýblıkasynyń Bas Prokýrory A.DAÝYLBAEV. Qazaqstan Respýblıkasy Bas Prokýrorynyń 2015 jylǵy 13 tamyzdaǵy №102 buıryǵymen bekitilgen «Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý» memlekettik kórsetiletin qyzmet reglamenti 1. Jalpy erejeler 1. «Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý» memlekettik kórsetiletin qyzmeti (budan ári – memlekettik kórsetiletin qyzmet) Qazaqstan Respýblıkasynyń Bas prokýratýrasymen (budan ári – kórsetiletin qyzmetti berýshi) Qazaqstan Respýblıkasy Bas Prokýrorynyń 2015 jylǵy «27» shildedegi № 95 buıryǵymen bekitilgen Memlekettik kórsetiletin qyzmet standartyna (budan ári - Standart) (Normatıvtik quqyqtyq aktilerdi memlekettik tirkeý reestrinde № 12056 tirkelgen) sáıkes kórsetiledi. 2. Memlekettik qyzmetti kórsetýdiń nysany: qaǵaz túrinde. 3. Memlekettik kórsetiletin qyzmettiń nátıjesi – tulǵanyń qolynyń shynaıylyǵyn kýálandyratyn jáne onyń ókilettiligin, sondaı-aq osy qujat bekitilgen mórdiń nemese mórtańbanyń shynaıylyǵyn rastaıtyn arnaıy mórtańba apostıl qoıylǵan qujat. 2. Memlekettik qyzmetti kórsetý barysynda kórsetiletin qyzmetti berýshiniń qurlymdyq bólimsheleriniń (qyzmetshileriniń) áreketi tártibiniń sıpattamasy 4. Memlekettik qyzmetti kórsetý boıynsha rásimniń (árekettiń) bastalýy úshin negizdeme bolyp Standarttyń 9-tarmaǵyna sáıkes kórsetiletin qyzmetti alýshymen memlekettik qyzmetti kórsetý úshin usynylǵan qajetti qujattardy kórsetiletin qyzmetti berýshiniń alýy tabylady. 5. Memlekettik qyzmetti kórsetý boıynsha árbir rásim (áreket) barysynyń mazmuny jáne ony oryndaýdyń uzaqtylyǵy: 1) kórsetiletin qyzmetti berýshiniń qyzmetkeri qujattardy otyz (30) mınýt ishinde qabyldaıdy; 2) kórsetiletin qyzmetti berýshiniń qyzmetkeri tórt (4) saǵat ishinde kórsetiletin qyzmetti alýshynyń anyqtaý derekterin esep jýrnalyna tirkeıdi, resmı qujattyń shynaıylyǵyn kartoteka boıynsha tekseredi, usynylǵan qujatty apostıl qoıýǵa nemese memlekettik qyzmetti kórsetýden bas tartý týraly dáleldi jazbasha jaýapty daıyndaıdy jáne kórsetiletin qyzmetti berýshiniń basshysyna zerdeleý úshin usynady; 3) kórsetiletin qyzmetti berýshiniń basshysy eki (2) saǵat ishinde kórsetiletin qyzmetti alýshymen memlekettik qyzmetti kórsetý úshin usynylǵan qajetti qujattardy, kórsetiletin qyzmetti berýshiniń qyzmetkeri daıyndaǵan qujatty zerdeleıdi, oǵan qol qoıady, ony mórmen bekitedi jáne kórsetiletin qyzmetti berýshiniń qyzmetkerine qaıtarady; 4) kórsetiletin qyzmetti berýshiniń qyzmetkeri kórsetiletin qyzmetti alýshyǵa memlekettik qyzmettiń nátıjesin onyń júgingen kezinde otyz (30) mınýt ishinde beredi. Halyqqa qyzmet kórsetý ortalyǵy arqyly: 1) kórsetiletin qyzmetti berýshiniń keńse qyzmetshisi Halyqqa qyzmet kórsetý ortalyǵynan túsken kórsetiletin qyzmetti alýshymen memlekettik qyzmetti kórsetý úshin usynylǵan qajetti qujattardy otyz (30) mınýt ishinde qabyldaıdy, aqparattyq júıede tirkeıdi jáne kórsetiletin qyzmetti berýshiniń qyzmetkerine beredi; 2) kórsetiletin qyzmetti berýshiniń qyzmetkeri tórt (4) saǵat ishinde kórsetiletin qyzmetti alýshynyń anyqtaý derekterin esep jýrnalyna tirkeıdi, resmı qujattyń shynaıylyǵyn kartoteka boıynsha tekseredi, usynylǵan qujatty apostıl qoıýǵa nemese memlekettik qyzmetti kórsetýden bas tartý týraly dáleldi jazbasha jaýapty daıyndaıdy jáne kórsetiletin qyzmetti berýshiniń basshysyna zerdeleý úshin usynady; 3) kórsetiletin qyzmetti berýshiniń basshysy eki (2) saǵat ishinde kórsetiletin qyzmetti alýshymen memlekettik qyzmetti kórsetý úshin usynylǵan qajetti qujattardy, kórsetiletin qyzmetti berýshiniń qyzmetkeri daıyndaǵan qujatty zerdeleıdi, oǵan qol qoıady, ony mórmen bekitedi jáne kórsetiletin qyzmetti berýshiniń qyzmetkerine qaıtarady; 4) kórsetiletin qyzmetti berýshiniń qyzmetkeri memlekettik qyzmettiń nátıjesin konvertteıdi, kórsetiletin qyzmetti berýshiniń keńse qyzmetshisine Halyqqa qyzmet kórsetý ortalyǵyna joldaý úshin beredi; 5) kórsetiletin qyzmetti berýshiniń keńse qyzmetshisi kýrer nemese poshta baılanysy arqyly Halyqqa qyzmet kórsetý ortalyǵyna joldaıdy. 3. Memlekettik qyzmetti kórsetý barysynda kórsetiletin qyzmetti berýshiniń qurlymdyq bólimsheleriniń (qyzmetshileriniń) ózara árekettesý tártibiniń sıpattamasy 6. Memlekettik qyzmetti kórsetý barysyna qatysatyn kórsetiletin qyzmetti berýshiniń qurlymdyq bólimsheleriniń (qyzmetshileriniń) tizimi: 1) kórsetiletin qyzmetti berýshiniń keńse qyzmetshisi – qujattardy qabyldaý, aqparattyq júıede tirkeý, reestrdi jasaý jáne olardy joldaý; 2) kórsetiletin qyzmetti berýshiniń qyzmetkeri – qujattardy qabyldaý, esep jýrnalyna tirkeý, qujattardy tekserý, memlekettik qyzmettiń nátıjesin daıyndaý jáne berý; 3) kórsetiletin qyzmetti berýshiniń basshysy – qujattardy tekserý, olarǵa qol qoıý jáne mórmen bekitý. 7. Árbir rásimniń uzaqtyǵyn kórsete otyryp, qyzmetkerler arasyndaǵy rásimder (áreketter) júıeliginiń sıpaty: 1) qujattardy qabyldaý otyz (30) mınýt ishinde; 2) qujattardy tirkeý, tekserý, daıyndaý jáne olardy kórsetiletin qyzmetti berýshiniń basshysyna joldaý tórt (4) saǵat ishinde; 3) usynylǵan qujattardy zerdeleý, qol qoıý, mórmen bekitý jáne kórsetiletin qyzmetti berýshiniń qyzmetkerine berý eki (2) saǵat ishinde; 4) kórsetiletin qyzmetti berýshiniń qyzmetkerimen memlekettik qyzmet nátıjesin berý otyz (30) mınýt ishinde. Memlekettik qyzmetti kórsetý barysynda kórsetiletin qyzmetti berýshiniń qurlymdyq bólimsheleriniń (qyzmetshileriniń) ózara árekettesý tártibiniń sıpattamasy osy Memlekettik kórsetiletin qyzmet reglamentine qosymshaǵa sáıkes memlekettik qyzmet kórsetý bıznes-barysynyń anytamasynda kórsetilgen. 8. Halyqqa qyzmet kórsetý ortalyǵynan kórsetiletin qyzmetti alýshy alýǵa kelmegen memlekettik qyzmettiń nátıjesi túsken jaǵdaıda, ol alty (6) aı aǵymynda saqtaýǵa jatady jáne tıisti aktige sáıkes joıylady. 9. Memlekettik qyzmetti alý úshin Standartqa sáıkes kórsetiletin qyzmetti alýshylarmen usynylǵan qajetti qujattar eki (2) jyl aǵymynda saqtaýǵa jatady jáne tıisti aktige sáıkes joıylady. «Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý» memlekettik kórsetiletin qyzmet reglamentine qosymsha Memlekettik qyzmetti kórsetýdiń bıznes-barysynyń anyqtamasy Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý Kórsetiletin qyzmetti berýshige júgingen kezde. Halyqqa qyzmet kórsetý ortalyqtary arqyly júgingen kezde. Buıryq Qazaqstan Respýblıkasynyń Ádilet mınıstrliginde 2015 jylǵy 17 qyrkúıekte Normatıvtik quqyqtyq kesimderdi memlekettik tirkeýdiń tizilimine №12080 bolyp engizildi.